曾幾何時香港嘅維港兩岸景色，令香港人引以為傲，近年政府不斷填海，廣闊海港已比兩岸高聳嘅建築物搶晒鏡。新地就喺中環國金商場搞咗個名為「世界級建築、世界級海港」嘅展覽館，以維港新生活做主題，放咗五個建築物模型畀市民參觀。
新地代理執行董事周國賢話，呢個構思係嚟自加拿大溫哥華嘅海港，希望呢系列樓盤嘅住戶同客戶，擁有維港生活嘅特質，如敏銳嘅時事觸覺同埋識享受生活。
展出嘅模型全部都係同維港扯上關係，包括大角嘴嘉雲西岸（暫名，洋名HarbourGreen就同地鐵申請緊），尖沙嘴凱旋門同九龍站七期MegaTower、荔枝角曼克頓山（前九巴車廠），同埋國金商廈，統統係新地以維港做賣點嘅項目。