梁詠琪昨日到港台出席記者會時，表示將為新歌拍MV，但導演正極力游說她穿比堅尼演出。現時尚有兩星期讓梁詠琪考慮，若她首肯拍攝，這將是梁詠琪出道以來最性感的一次。
李克勤和梁詠琪（GiGi）昨日以推廣大使身份到港台出席「大韓風」記者會，GiGi近日正為拍攝新歌《比堅尼》MV而煩惱，她表示導演游說她穿比堅尼拍攝，GiGi說：「我都考慮緊呀，𠵱家重有兩星期時間畀我諗。不過我真係需要心理輔導，因為咁耐以嚟我都未試過喺公開場合着比堅尼。」
克勤十年內結婚
而克勤日前與女友盧淑儀被徐小鳳要求上台預演婚禮，他說：「我今次真係千年道行一朝喪，譚校長又笑我，女友又話以後唔同我一齊睇演唱會。好彩小鳳姐十年先開一次，十年後我都應該結咗婚啦。」
另一方面，日前有報道指劉德華及S.H.E成為今晚舉行的《新城國語力頒獎禮》男、女歌手大贏家，但據悉女歌手大贏家應是蔡依林（Jolin）而非S.H.E。Jolin除了得到兩個歌曲獎之外，「舞台大獎」及「年度歌曲大獎」亦是其囊中物。華仔所得到的五個獎項則是「全球至尊歌手大獎」、「亞洲歌手大獎」、「舞台大獎」、「熱播冠軍歌」及一首入圍歌曲。而「香港男歌手」兩位得主則是李克勤和謝霆鋒。
而克勤前晚在將軍澳電視廣播城主持《殘酷一叮》，提到與霆鋒在新城頒獎禮得男歌手獎，他說：「我唔知喎，呢一刻都唔知結果，未到頒獎都唔係㗎啦。我平常心對待，試過喺頒獎禮上上落落，亦試過坐成晚一條毛都冇，我出席都係諗住見老友聚一聚，我兩個月冇見過華仔。」
千嬅缺席頒獎禮
至於有消息指楊千嬅因不滿容祖兒比她多一個「熱爆K歌」獎而缺席頒獎禮，新城台長朱明銳昨日說：「以我所知千嬅好似要拍廣告，咁就要睇吓佢有冇時間啦。我當然好想佢出席啦，但如果佢要搵真銀都唔緊要。」
採訪、攝影：駱華齡、陳慧安