何韻詩日前拍攝新歌《勞斯．萊斯》MV，今次阿詩邀請了兩名俊男陳冠希（Edison）及日籍男模阿Dean擔任男主角，阿詩更向Edison獻出螢幕初吻。當日導演要求阿詩主動向Edison示愛，接着便吻對方，事前阿詩表現得非常緊張，不停飲水及搽潤唇膏，被工作人員取笑她接吻經驗淺。
不慣做主動
當日阿詩只拍了兩次便完成接吻鏡頭，事後她得戚地說：「導演今次畀咗兩次機會我咀Edison，我都覺得拍一次係唔得嘅，重有平時係人哋主動錫我，所以要我做主動真係唔慣！」
Edison拍攝完畢後不禁笑說：「我都等咗錫阿詩呢個機會好耐啦，不過我最想佢還歌債囉，因為佢兩年前應承寫歌畀我，之後冇晒影！」阿詩除了可以一親Edison之餘，更可抱實日籍男模，真的豔福無邊。
