江欣慈自資六位數字的唱片已推出個多月，雖然還不知道銷量如何，但碟評不俗，她感到很安慰。阿慈最近簽了內地經理人，即將進軍內地市場，她說：「我簽咗張敬軒嘅經理人NEO做內地經理人，可能遲啲會喺內地發行唱片。」
盛讚內地fans
阿慈續說：「上一張唱片有好多國語歌，我去過廣州宣傳，當時感覺好好，內地聽眾會好畀心機聽你啲歌，又講得出邊隻歌好聽，感覺好受尊重。」今個月阿慈將會接拍張錦程執導的新戲，她說：「我睇過劇本覺得幾得意，我嘅角色係模特兒，故事係講兩對情侶嘅四角關係，我知道葛民輝同盧巧音都有份做，但邊個係我男友就未知。」
採訪：張止寒
攝影：仇志德
場地提供：Balalaika