十六歲應屆會考生陳詠珊Ada，曾經是一名反叛少女，參與義務工作後，令她脫胎換骨。早前Ada應付會考期間因跌傷，一度卧床不起，父親又證實患上癌症，她都堅強面對，沒有氣餒。會考放榜前夕，Ada勉勵同學們要自強不息，勿輕言放棄。
眼前的Ada，斯文有禮，原來在她成長階段，也經歷過彷徨、迷茫的時期。「以前我諗嘢幾消極，一唔開心就會『𠝹』手，真正嘅改變，係由我做義工開始。」
做義工改變反叛性格
中三那年，Ada在朋友邀請下，半推半就第一次當上義工，雖然當時只是負責賣旗，但卻激發了她參與義務工作的興趣。
「呢幾年做義工愈做愈開心，我更有機會接觸到宗教信仰，影響我一生。𠵱家我主要喺協康會做自閉症兒童嘅義務導師，另外，喺教會幫手搞補習班同做朋黨輔導員。」本身為虔誠基督徒的Ada說。
志願當社工的Ada，深信「生命影響生命」，她亦樂於以堅毅不屈的精神，感染身邊其他人。
傷脊骨須以輪椅代步
就像會考前夕，Ada因為意外跌倒，導致頸骨至尾龍骨移位，一度動彈不得，要以輪椅代步，但她堅持咬緊牙關，憑信心應考，結果順利完成各科考試。
「其實當時都幾擔心，因為受傷，我連學校mock試（模擬考試）都冇考，但辛辛苦苦預備咗兩年，冇理由放棄，結果我真係做到，尤其家政科，雖然當日要死頂企足三個鐘頭考煮餸，不過成績令我好滿意。」
正當Ada以為順利闖過會考難關之際，她又面對另一項嚴峻考驗，其父親月前證實患上肝癌，並懷疑同時患有腸癌，家中瀰漫着一片愁雲慘霧。年紀輕輕的Ada，身為家中的獨女，卻扮演着安慰者的角色。
「以前我同爸爸、媽媽嘅溝通唔係咁好，但經過今次，我哋嘅關係緊密咗；我知佢哋為咗呢件事好唔開心，雖然我實際上未必幫到啲乜，我可以做嘅，就係多啲開解佢哋，帶畀佢哋多啲溫暖感。」
自強選舉入圍顯鬥志
香港明愛青少年及社區服務、國際青年商會香港總會現合辦「學業逆境自強故事選舉」，Ada是十三名候選者之一，選舉結果將於八月九日（下周二）公布。
對於成敗得失，Ada坦言並不看重，猶如會考一樣，只志在參與。「我從來冇攞過乜嘢獎，但我覺得唔緊要，可以參加而且完成會考，我已經好開心，希望其他同學都唔好咁緊張。」Ada語重心長地說。
暖流熱線
電話：29908688
傳真：23702192
電郵：[email protected]
網址： http://www.charity.atnext.com