曾引起全城哄動嘅尖沙嘴凱旋門，二手呎價再創新高，利嘉閣九龍豪宅區域經理姚偉基話，啱啱易手嘅朝日閣高層A室，面積一六六五呎，由用家以三千五百萬承接，呎價超過二萬一千蚊，唔單止係凱旋門二手新高，重係九龍區二手分層豪宅九七以後嘅新高價。
原業主係何鴻燊三太陳婉珍，今年四月以三千三百三十萬買入，持貨唔夠四個月摸出，微微升值五個巴仙，賺一百七十萬，呢間係佢第六個轉手賺錢嘅凱旋門單位，連同之前賣出嗰五個，共賺六百零萬，佢𠵱家重揸住二十八件貨，不過只有六個放緊盤，其餘二十二個聽講Hold住唔賣，等到入伙先至善價而沽。
電郵地址：[email protected]