美聯早排搞業績比賽,送迪士尼入場券,七月份結果公布,總共有八個勝出,工商舖部佔咗五個,港九新界住宅部各有一席,每人攞到三張九月四號嘅入場券,呢班一日掛住跑數嘅代理,有啲突然知道自己贏到入場券,重開心過有獎金分,聽講其中一個嗰日咁啱重係個仔生日,睇嚟可以順道慶祝埋。喺市道淡靜環境,美記七月嘅營業額比六月好,係咪同呢個比賽有關呢?