陳小春和袁詠儀（靚靚）早前在內地拍攝劇集《我家不打烊》時發生爭執，在拍攝現場吵起來，事後小春接受訪問時表示自覺脾氣不好，願聽從好友靚靚的勸告，改善火爆性格。
袁詠儀和陳小春拍攝的中台劇集《我家不打烊》預計十月在台灣播映，該劇上月底才煞科，小春與袁詠儀是好朋友，合作拍劇應該會很開心，豈料兩人上月開工時卻在拍攝場地吵架，小春惱得擲道具洩憤，事後兩人冷靜下來後，很快便和好如初。
珍惜友誼
小春對於自己拍該劇幾乎與好友靚靚鬧翻得到很大啟示，他日前說：「俾靚靚話完我之後，我都覺得自己嘅脾氣太火爆，應該改善吓，其實我同靚靚有部份性格係幾似，兩個都係幾率直嘅人，有乜開心同唔開心都會表露晒出嚟，所以我會好珍惜呢個朋友。嗰日同佢嗌完交，我都即晚打番畀佢解釋，所以第二日我哋就冇晒事。拍完呢齣劇，返到香港休息一排，好快就要開工拍韋家輝導演嘅賀歲片。」
劇中靚靚與小春飾演夫妻，婚後年多便誕下一名女兒，原本一家三口相處融洽，但後來小春和靚靚因為在同一間廣告公司工作，經常為工作而摩擦，結果離婚收場。
變大醋埕
小春與靚靚雖然已離婚，但每當小春知道有男同事追求靚靚時，就感到很不是味兒，而因為女兒的關係，小春和靚靚經常要走在一起，有時三口子快樂得竟然忘記二人已經離婚。
採訪：蔡丹
