出爐香港先生高鈞賢在比賽夜極具自信，自小表演慾爆棚的他，七歲開始在校內夾band，又參加歌唱比賽。除了唱歌，高鈞賢模仿韓星Rain神韻十足，難怪他要進修舞技，為加入娛樂圈作好準備。
無綫舉辦的首屆香港先生選舉由現年二十一歲的模特兒高鈞賢勝出，經過一輪試鏡後，終踏出成功第一步，落實簽約無綫加入娛樂圈，稍後會被安排拍劇。
「需要練大隻」
高鈞賢參選期間被指與韓星Rain相似，他說：「話我似佢梗係開心啦，但我都想有番自己嘅風格，不過我好欣賞佢嘅身形，覺得自己比較單薄，有需要練大隻啲。」
拍照時高鈞賢擺出跳舞姿勢和雙手插袋的甫士，令人感覺是模仿Rain，高鈞賢解釋說：「其實我唔係模仿佢，只不過近期我迷上美國黑人歌手Usher，佢都係以跳hiphop為主。據我所知Rain都以佢為學習對象，所以咁啱會有啲相似嘅神態，為咗加入娛樂圈做好準備，我會進修跳舞，為前途鋪路。」
有個人網頁
相信富有表演慾的高鈞賢絕對可以應付挑戰，因為他自七歲開始便在校內夾band，其後參加過不少歌唱比賽，十九歲曾參選多倫多陽光男孩選舉，年紀小小已極具表演慾，除了喜歡舞台表演外，高鈞賢亦獲鋼琴演奏級，日後希望能踏足樂壇成為歌手，雖然當上香港先生只有短短日子，但已有fans替他製作網頁。
採訪：卓寶花 攝影：仇志德
髮型：JeymanChan（PRIVATEi）