自從在港男決賽表演，技驚四座，TonyJaa大概是城中最矚目的男人。男人有真材實料，毋須要淋水剝衫做「舞男」。TonyJaa到港是為新片《冬蔭功》宣傳，冬蔭功，早已成為最能代表泰國的菜式。而在冬蔭功菜式中，近日喺電視介紹過嘅「怪魚冬蔭功」，原來喺九龍城都食得到，未食過就要睇睇喇！
記者：陳敏琪
攝影：伍慶泉
黃珍珍──泰國獨有魚種
亞視的飲食節目《中國八大名菜IV之食盡東南亞》，由黃麗梅主持，新一輯一連幾集介紹泰國美食，最近更介紹了一條泰國獨有，被形容為「怪魚」的「紅寶石魚」，傳聞這魚同泰國皇帝有關。相傳泰皇有感泰國的魚種太少，所以下令將幾種不同的魚配種成泰國獨有的品種，並將魚苗放於湄公河飼養，其中一種就是紅寶石魚。
但原來這道菜式在黃珍珍泰國菜館已經推出多時，總經理梁小姐：「我們有這個菜好多年了，起初我們認為紅寶石魚個名唔特別，所以改名為『海中霸』，直至最近看了有關這個電視節目的報道，先知道紅寶石魚大有來頭。紅寶石魚嘅煮法有很多種，但最受歡迎的當然就係冬蔭功湯底。」
冬蔭海中霸$148
黃麗梅：「攝製時喺泰國試過，泰國的比較大條，但沒想到香港亦吃得到。」原名為「紅寶石魚」的它，屬淡水魚，體積大，肉質比較肥美，咬落彈牙，真係啖啖都係肉。魚在未落湯前，先炸過，冬蔭湯汁就會較易滲入魚肉，所以入口既有冬蔭湯的香濃亦有魚本身那份鮮甜。
冬蔭功$135（中）
冬蔭是指湯底，功就是指蝦，所以冬蔭功的主角，其實就是蝦。總經理梁小姐表示，冬蔭功都是以豬骨為湯膽，然而蝦的品質才最重要，「很多餐館都是在市場上買蝦，而我們所有蝦都係自己挑選入貨，確保全部都係大大隻嘅冰鮮大頭蝦！」
另類之選：鮮蝦榴槤炒飯$65
正宗泰菜沒有榴槤炒飯，但係在「敢嘗試」嘅大前提下，菜館成功設計了這款榴槤炒飯，將榴槤的「香」炒入鮮蝦當中，飯炒至乾身，所以入口煙韌爽口，極有口感。
廚師推介：芒果蟹肉炒飯$65
大廚手執嘅呢款係芒果蟹肉炒飯。芒果用呂宋芒，而蟹肉是新鮮經人手拆肉，用料、煮法都相當嚴謹，難怪賣個滿堂紅，成為飯類食品嘅NumberOne！
黃珍珍泰國菜館
地址：九龍城打鼓嶺道23號百營中心地庫、地下及1樓
電話：27166269
營業時間：11:00am?:00am
座位：450位（共三層）
金麥泰──正宗住家泰菜
企業式管理能夠針對潮流，生意有保證；而住家式泰國菜館能企穩，所憑的就是「正宗」。金麥泰自91年開業至今，無論師傅至菜單都沒有大變動，堅持做好正宗泰菜。提到冬蔭功，老闆說其實每間泰國菜館的材料、煮法都大同小異，味道的分別就在於師傅的手勢而已。金麥泰的兩位師傅都是泰國人，跟老闆一樣移民香港，所以都視菜館為家。老闆娘表示，如果有一天師傅不做，菜館也未必會繼續，由此看來，住家式菜館的背後是由「正宗」、「長情」所支撐。
冬蔭功（上）$55（細）、（下）$120（中）
又稱泰式酸辣蝦湯，材料有：香茅、檸檬葉、南薑、花奶等，所有香料都是菜館由泰國入貨。所用的都是新鮮大頭蝦，湯裏的蝦膏都是取自原隻蝦頭，所以入口鮮甜。另外客人可自選辣度，以及改為冬蔭湯生魚、烏頭或雞。
泰式酸辣雜錦清湯$130
比較起冬蔭湯，這是一款較受泰國人喜歡的湯底，內裏的材料與冬蔭湯大致相同，但就棄用花奶，改加入紫蘇葉，但湯的濃味依然，因為跟冬蔭湯一樣，以豬骨湯為湯膽，每日都新鮮熬製。
泰式老虎笑$60
泰國人煮餸不愛落油，而呢款牛肉喺燒嘅過程中會自動滲出油，好似眼淚咁，所以泰名意為老虎喊。但老闆知香港人講好意頭，所以改名為老虎笑。所用的原塊肥牛，用魚露、白豉油、辣粉等泰式香料醃製，再用炭燒，半生熟就啱啱好！
金麥泰泰國菜館
地址：九龍城南角道34號地下
電話：27181801/27181815
營業時間：11:00am?1:30pm
座位：65位