公屋雖是廉租屋，卻也卧虎藏龍。單是華富邨，已孕育過亞洲小姐黎燕珊、名歌星周華健、時裝連鎖店I.T集團主席沈嘉偉以及香港小姐寇鴻萍。蘇屋邨則似乎盛產音樂奇才，歌神許冠傑及Beyond的家駒、家強兩兄弟，都是來自蘇屋邨。
舊居若拆黎燕珊欷歔
亞姐前冠軍黎燕珊由十歲開始與父母同住在華富邨，她昨日說：「我對華富邨係有好深厚感情，因為我人生最快樂時光就係呢條屋邨帶畀我，直到我選咗亞姐，先至搬開咗。」但她的家人一直住在該邨，直到十五年前黎母成功申請居屋，才正式搬離華富邨。「但我有時都會自己揸車去華富邨，話畀啲仔女知道，我以前住喺呢度，𠵱家話要拆，梗係覺得欷歔！」
黃家強小時與已故兄長黃家駒曾居於蘇屋邨，他說：「喺蘇屋邨長大嘅日子好難忘，我記得嗰陣屋企隔籬係山，嗰時細個邊似𠵱家咁多嘢玩，我同家駒上山捉草蜢，又偷阿媽啲番薯上山煨嚟食，日日通山跑，留低唔少腳毛㗎。」家強贊成清拆蘇屋邨，因為樓宇實在很舊：「起過啲新樓畀人住，繼續為人民服務都好呀。」
許冠傑發夢重回蘇屋
許冠傑去年在紅館的演唱會上形容，蘇屋邨是他一生過得最燦爛的地方。他更表示，曾經因為退休後生活無所事事，變成二百多磅大肥佬，而一度萌生自殺念頭；當時他夢見自己身處蘇屋邨其中一座的八樓，在關公相勸下，才沒有跳下去。
本報記者
