賭王何鴻燊啱啱開咗間廉價航空公司叫做港聯航空，噚日重搵咗煲呔主持慶祝成立酒會，兩個人喺台上笑得唔知幾開心。燊哥係煲呔嘅大好友，老董未辭職已經開始唱好煲呔，大讚佢值九十分（唐唐得八十八分），又出錢出力幫佢選特首，重撐佢做十二年。唔知他日煲呔卸任，燊哥又會唔會話，過去講足N年大話呢？以前特區政府面對呢啲商業場合，老董較少親自參加。煲呔𠵱家霸埋呢啲場合，估計係要為選舉還人情債。
燊哥係呢間航空公司嘅主席，真係百足咁多爪，佢噚日重同八方講食豬肉之道，話唔使因為豬鏈球菌擔心食豬喎：「香港啲衞生咁好，怕咩呀？煮熟啲就得！」
傳真︰2623-9278
電郵︰[email protected]