鄭健樂（Rocky）雖然未能憑其十八吋手臂及超短泳褲成為「香港先生」，但已成為女性心目中的香港先生。任職健身教練的Rocky健身二十年，最重要是恒心及耐性。
鄭健樂自從參加由無綫舉辦的《香港先生競選》後，憑其十八吋手臂及四十二吋胸，旋即成為城中熱門人物。雖然Rocky未能在總決賽中贏得冠軍寶座，但他穿上一條超性感的健美先生參賽褲，已令全場女士瘋狂。對於只贏得「健力組」冠軍，Rocky表示已十分開心，他說：「我對賽果好滿意，當晚大家氣氛好好，自己亦盡咗全力。」
健身要有恒心
以肌肉為賣點的Rocky為了這次比賽，減了十多磅，他說：「今次唔係選健美先生，所以減咗十三磅。我係健身教練，所以好注重運動，如果想鍛煉出好身形，就一定要有恒心同耐性，唔可以心急，要有步驟去做每一樣運動。」Rocky擔任私人健身教練已有好幾年，但依然不斷自我增值，他說：「我除咗考到私人教練證書之外，連營養證書都考埋，希望可以幫人由內至外都表現出健康。」
Rocky與太太結婚四年，太太亦十分支持他參賽，問太座可有介意他穿上泳褲示人，他說：「佢由頭到尾都非常支持我，以前選健美先生嗰陣佢都見過我咁着啦，成個比賽佢重緊張過我！」他笑言自參賽後多了不少女fans，不過太太仍相當信任他。
採訪：王崇穎
攝影：陳慧安
髮型：PRIVATEiSALON
