鄧萃雯昨日以性感打扮出席纖體活動，但她以沒有排舞老師為由，婉拒與兩位型男模特兒跳火辣拉丁，並開出期票說：「下次先啦！」
鄧萃雯昨日以性感女神姿態在奧海城出席「貴族魅力．鄧萃雯綻放光芒」記者會，她穿上兩套由設計師何國鉦度身訂做的低胸大露背晚裝亮相，十分養眼。原本大會安排兩位型男模特兒與雯女大跳火辣拉丁舞，但雯女卻臨時婉拒，只肯與型男合照。
事後雯女解釋：「都冇排舞老師，點跳呀？佢哋之前見我喺鄭少秋演唱會度表演跳舞，所以提議我跳，但都要有排舞老師先得㗎，要就下次先啦，況且嗰兩個男人我都唔識，第一次見咋。」
昅邵美琪險撞車
問衣着性感的雯女是否真空上陣，她聞言大發嬌嗔說：「唔係呀，唔好問得咁白，冇神秘感㗎，總之我安全至上啦。」
雯女又表示考慮過拍寫真集，而且她想找一位夾得來的攝影師，她說：「最高境界係影得感覺性感，唔係少布。」談到老友邵美琪近日也加入瘦身行列，雯女說：「我都有留意佢喺隧道口嘅海報，我睇到差啲撞車，有啲危險呀。」
採訪：胡比 攝影：何國豪
