鄧麗欣（Stephy）、傅穎（Theresa）和梁靖琪（Toby）等昨日出席一個塗鴉活動，由於噴油化學味強烈，加上在室內舉行，歌迷須即戴上口罩，但歌手們頂硬上則差點窒息。
鄧麗欣、傅穎、梁靖琪與赤子等，昨日出席在旺角新世紀舉行的百人塗鴉活動，一班歌手用噴油在Ｔ恤上畫畫及在牆上塗鴉，由於活動在室內舉行，場內充斥着噴油的臭味，不少歌迷戴上口罩，但歌手只能頂硬上。事後，Toby都感到有點呼吸困難，她笑說：「我同Stephy佢哋畫Ｔ恤時，唔小心好大力咁呼吸，差啲搞到我哋窒息，我哋都忍唔住對望笑咗出嚟。」
拒做光頭妹
是次活動由一洗頭水品牌舉行，Stephy與Theresa是宣傳大使，二人都異口同聲表示比較喜歡自己長頭髮，Stephy說：「初出道時，有一套戲搵我哋拍，其實個劇本都唔錯，但要我哋剃光頭，最後都係冇拍到。」
Theresa則笑說：「我記得個劇本好似話我哋係尼姑，一齊去打排球，嗰時我哋啱啱出道，我哋諗如果要剃光頭，我哋驚啲人會唔認得我哋。」
採訪、攝影：胡比