《頭文字D》真係風頭勁！截至8月1日累積票房3,800萬，成為05年香港中西票房冠軍級電影；出碟方面都嚟個「第一」！所講係佢將會推出全球/全港首齣，可於PSP上播放嘅3區UMD港產電影！
全港限量5,000套
據寰亞綜藝集團表示，早於《頭文字D》未上畫，已籌備推出3區UMD；而製碟過程，完全在日本處理！UMD內基本收錄了全齣《頭文字D》電影（不過冇Bonus），畫面行超闊屏16:9，至於聲效則有國、粵語2.0聲道（隱藏式繁、簡體中文及英文字幕）。不過更值得珍藏處，係呢套UMD全港限量5,000套！跟碟重送《頭文字D》版PSP機袋一個！據知這套UMD碟現正在now.com.hk接受預訂，價錢則為$250，而且成功預購的首100人，可獲贈周杰倫親筆簽名獨立編碼雷射證書；至於《頭》UMD推出日期則為8月26日。
DVD版18號優先場
至於唔想喺網上預訂嘅人，下星期開始，一般連鎖式影碟舖甚至Game舖，都會開始接受預訂服務；至於想睇《頭》Bonus人士留意，8月18日DVD特別版會優先推出，據知行雙碟，內裏勁多Bonus，而且隨碟重有60頁寫真、砌圖、貼紙及證書等，普通版售價則為$98。
記者：朱崇德
預購網址： http://now.com.hk/umd