澳門賭業帶旺各行各業，吸引好多香港商人過江，開公司搵商機，唔知係咪因為去嗰便嘅港商，唔少係物業代理行與地產發展商，所以本港地產代理監管局，喺佢哋嘅刊物《專業天地》最新嗰期，都有文章講解，喺濠江開設公司要注意嘅事項，港商睇過，應該有着數啩。
澳門為咗解決投資者「人生路不熟」嘅問題，由澳門貿易投資促進局，提供「一站式服務」，提供意見之餘，重會協助佢哋搞成立公司嘅手續、搵合作夥伴，以及畀埋寫字樓佢哋使用。
呢個貿易投資促進局，會鼓勵投資者先搵辦公室，再成立公司，但若果投資者一時間搵唔到合適地點，原來可以向該局申請借用辦公室，為期四個月，裏面有寫字樓、電腦、電話等，大部份服務都係免費㖭。
電郵地址：[email protected]