「我已經成日提醒自己啦，返深圳要小心啲，每次返屋企梗坐的士到樓下，夜晚都唔出夜街，估唔到一樣俾人打劫，重差啲橫死街頭！」遇劫險死港人伍志堅三個多月前在深圳羅湖置業後，已開始留意區內治安，盡量避免到治安黑點，他表示在春風路買樓後，曾幾次見過光天化日下發生搶劫案，他形容當時心情時說：「心都寒晒！」
伍志堅指出，在春風路買樓主要貪圖接近關口及交通便利，但入住後不久即常見寓所一帶治安十分惡劣，他說：「我見過幾次日光日白有人持刀喺街上打劫，又見過有人搶嘢。」因此為了自身安全，他為自己訂定一套規則，每次出入春風路一定要坐的士，不流連夜店，晚上九點後不外出，每次坐車快到樓下時，必定打電話通知女朋友。
心急破戒出事
「當晚我見架車差唔多到屋企啦，於是我打電話畀女朋友話就快到樓下啦；我見前面塞車，心諗行幾步就到啦，」伍志堅總結這次經驗後表示：「只差幾十米就到屋企，一時心急唔守自己定下嘅規則而差啲送命，日後一定要到屋企樓下先落車，而且上的士後必定要反鎖車門，以策安全。」對於這次遇劫，他說：「啲賊好狼、好兇狠，今次執番條命已經好好彩！」
色誘搶劫最多
春風路一帶娛樂場所較集中，是港人聚居的熱門地點，由於多港人出入，故歹徒在該路段作案的目標以港人為主，當中以色誘、扒竊及搶劫最多。
本報記者