三位《殘酷一叮》嘅台主關浩揚（左一）、喬保羅（右二）同莫凱謙（右一）噚日去咗灣仔漫畫展宣傳動畫《V仔特工隊》，咁啱撞正《殘酷一叮》主持梁榮忠，四人嚟張大合照。關浩揚自爆五、六年前曾經同徐小鳳共舞，問佢當年小鳳姐條腰有冇𠵱家咁幼，關浩揚口快快話嗰時肥啲，之後又澄清話：「我係話我肥啲，小鳳姐條腰梗係幼啦！」