【本報訊】全城提高警覺對付豬鏈球菌，標榜肉食衞生的百佳超級巿場，日前卻被揭發處理肉食的手法不當，把生肉及水果置於同一貨倉，被食物環境衞生署即場逮個正着，發予口頭警告，下令百佳即時棄掉兩盤生肉。有巿民直斥百佳的手法不當，危害市民健康，擔心或會受到交叉感染。有傳染病專科醫生相信，過往調查本地豬鏈球菌的接觸途徑苦無頭緒，或與類似的交叉感染有關。 記者：張嘉雯
投訴人江小姐上周前往彩雲邨百佳超市購物，發現該超巿貨倉內同時存放生肉及蔬果，桌上並放置了砧板，日前再往沙田新翠邨百佳，再次見到沒有空調的貨倉內，擺放了數籃斬件豬肉，四周則放滿水果、洗頭水等，職員處理食物及乾貨時均未有戴上手套，「做肉嘅地方有乜理由放埋生果呀！你平時食生果、洗蔬菜唔會戴手套㗎嘛……生果又唔會再煮熟先食，真係好大件事。」
無製造牌照不可切肉
江小姐本周一向食環署分區辦事處投訴，並在下午接獲該署回覆，「佢同我講，話落咗去巡查，見到啲肉擺喺地下，有啲又無雪住，就要佢即時棄置。」她引述該署指百佳沒有製造牌照，「只可以喺嗰度賣，唔可以喺嗰度切肉㗎，係唔合法嘅，牴觸個牌照。」
食環署向本報證實收到有關投訴，指百佳彩雲邨分店只有新鮮糧食店牌照，只可出售已包裝的豬肉，其貨倉並非食物工場，在周一巡查時，發現貨倉地上擺放了兩盤肉類及屠宰工具，已即時向分店經理提出口頭警告，昨日到沙田百佳分店巡查則無發現類似情況。
有百佳員工透露，超巿安排外來肉商到超巿宰豬，每日來豬兩至三隻，周一得知食環署會巡查後，昨日再無來豬，超巿的高層更被召出席緊急會議。江小姐直言百佳的做法不當，又指食環署包庇百佳，「佢𠵱家咁樣，即係黑箱作業，攞巿民條命嚟『教飛』，係咪要啲巿民成日好似二五仔咁，睇住你哋啲大集團先！」
勞永樂斥做法「離譜」
傳染病專科醫生勞永樂直斥百佳的做法「離譜」，指肉類及生果不能存放一起，「唔好話豬鏈球菌吖，啲肉汁可能都有沙門氏菌，啲生果掂到，有時你搵衫袖揩吓就食……洗頭水都唔殺菌㗎，手揸啲洗頭水樽都可能會染到菌㗎。」他解釋豬鏈球菌可以停留在水果表面達一至兩天之久，不排除本港感染的個案由此引起，但難以驗證。
百佳周一晚未有正面回應分店存放豬肉的問題，只稱所有豬肉均經百佳位於上水的新鮮食品分發中心進行切割，然後運往分店售賣，不同食品由不同員工負責處理，亦未有回應曾遭食環署人員口頭警告一事。