林嘉欣和古巨基昨日到紅十字會輸血服務中心，出席「仲夏捐血綠悠悠」活動，由於基仔上星期曾患感冒，所以未能即時捐血，只餘下表現驚慌的嘉欣響應活動，嘉欣說：「之前試過捐兩次血，都話我唔夠血，所以捐唔到。」
出席完活動後，嘉欣晚上又要趕返東莞拍戲，她說：「我特登返嚟做呢個活動，我𠵱家拍緊《怪物》，經常戴住一隻隱形眼鏡，隻眼好唔舒服但唔可以捽，因為一隻隱形眼鏡要成千蚊美金，我惟有不斷滴眼藥水。」
讚栢芝英文好
基仔早前與栢芝在北京拍戲，但栢芝返港後即被發現與外籍男友拍拖，基仔說：「我可以證明佢真係有病，我輕輕摸過佢額頭。」記者問基仔可會覺得栢芝的英文進步了，他說：「人哋有話係男朋友咩？佢向來英文都幾好。」
採訪、攝影：王連連
