寇鴻萍一家四口和Rosemary母女等，早前應帛琉亞太航空邀請，往當地享受陽光浮潛之旅。寇鴻萍大女Lydia首次公開以水着示人，豐滿身材連其母亦大吃一驚。寇鴻萍指女兒愛吃木瓜，未知是否飲食習慣有助發育？ 記者MaggieFung帛琉直擊
帛琉亞太航空早前在港首航，邀請城中名人包括寇鴻萍一家四口、Rosemary母女及葉童夫婦等，前往當地享受五日四夜旅程，各人抵達當地，均大解放以泳裝示人，眾人第一天先往長島灘遊玩、晚上則品嘗當地著名的蝙蝠湯，第二天再出動往水母湖玩浮潛。
眾人中，以寇鴻萍十七歲的長女Lydia身材最出眾，連多年未見女兒穿泳裝的寇鴻萍亦大讚驚為天人，寇鴻萍說：「個女同我撒嬌，話叫大家唔好登佢着泳衣嘅相，我就同佢講『你換完泳衣出嚟，連媽咪都嚇一跳呀』！」
寇鴻萍表示女兒穿的泳衣是她多年前買的，她說：「件泳衣上圍尺碼係36C，我睇怕佢𠵱家都唔止啦。」問寇鴻萍女兒身材驕人是否和飲食習慣有關？她說：「唔知關唔關事呢？佢真係好鍾意食木瓜，不過佢一啲都唔鍾意自己上圍咁勁，重成日問『媽咪，你（上圍）都唔係咁大，我究竟係遺傳咗嫲嫲定婆婆？』」
Rosemary準備出唱片
相反，同樣擁有導彈身材的名模Rosemary，卻全程只穿小背心，今次Rosemary帶同一攝影師隨團出發，數天旅程中，她經常離開大隊，穿上比堅尼泳衣給私人攝影師拍攝，其母Julie解釋說：「因為Rosemary遲啲會出唱片，中、英文歌都有，今次帶埋攝影師嚟係影唱片內頁啲相。」
