郭富城前晚在西貢拍攝服裝廣告，比早前增重了十磅的他，拉開運動外套拉鏈，露出胸肌。他還自信地表示現在的身形JustFit。
郭富城前晚在西貢拍攝服裝廣告，穿上運動外套的他，拉開拉鏈，露出健碩胸膛。城城表示是次廣告酬勞豐厚，他說：「呢次係我第三年同佢哋續約，佢哋要畀啲時尚健康活力嘅感覺大家。我唔係特登要展露胸肌，不過只要切合主題，我都唔介意露身材嘅。」
工作不斷
城城早前為演唱會而激瘦，他透露現在體重已回升十磅，約一百三十磅，他說：「我會keep住𠵱家嘅磅數，justfit。」問城城是否因此而露得更有自信？他說：「要睇有冇需要，開演唱會時着張叔平啲衫，係切合啲衫嚟露；𠵱家主題係casual，視乎美術指導需要啦！」城城接着會拍攝第二段廣告片，屆時需做出凌空翻騰動作，難度頗高，故他的酬勞亦會增加。而城城稍後又要到法國拍攝廣告，財源不斷，城城笑說：「好幸運，不斷有工作，今年有演唱會收入自然豐富。」
買車保值
城城今年初便訂購了一輛價值數百萬元的跑車，但他不願透露型號，城城說：「唔係特別版，只係我鍾意啫，買車係我賺錢嘅動力，我唔識投資，但原來車都可以保值，我有啲車賣番出去都有錢賺，不過就唔捨得賣囉！」
談到內地不許歌手咪嘴，城城表示贊成，不過他說：「有時唔舒服，偶然一、兩次咪嘴都情有可原，唱現場滿足感大好多，所以對我冇影響。」
採訪：駱華齡 攝影：林德雄
