關心妍噚日出席喺尖沙嘴喜來登酒店舉行嘅《麥當勞夏日繽紛暑期青少年大使計劃》畢業典禮，關心妍話喺加拿大讀書時，一到暑假都會報讀音樂課程，佢話：「阿媽唔畀我主修音樂，咪惟有主修物理，副修音樂囉。」提到佢嘅唱片公司最近簽咗新人周麗淇，搞到佢隻新唱片推出遙遙無期，關心妍就話新人要多啲資源，所以唔介意喎。