沙田河畔花園唔算細，有六座近千六伙，但買賣幾疏落，上月只得十一宗，已經比六月多一點八倍。 中原林樹明話，A座低層一室，三百八十五呎，望內園景，以低市價八巴仙易手，一百萬有找，只係九十二萬三，每呎二千三百九十七。 買家係區內活躍投資者，睇樓一日即刻扑槌，以單位月租可達四千五計，回報率接近五厘九，都算唔錯。