劉德華昨日到奧海城出席活動，華仔親自設計了一件T恤送給節目主持人，更於對方的T恤上打上手印。當華仔和一眾小朋友合照後，他竟笑言其中一位女孩不停叫他爸爸。
劉德華為了祝賀商台節目「茶煲裡的查篤撑——8路玲瓏8周年」，昨日特別設計了一件印有不同顏色手印的「8」字T恤作為賀禮送給主持人查小欣，之後主持人更要求華仔為她身上的T恤打手印。
在活動尾聲時，大會安排了幾位小朋友與華仔合照，事後他竟笑言有一名小女孩拉着他的褲，且不停叫爸爸，接着主持人亦開玩笑問華仔：「咁似唔似你嗰個先？」華仔即笑說：「似呀，你玩呢啲，你以為我怕你呀！」
花四百萬宣傳
問到華仔是否恨做爸爸時，他說：「唔係恨，頭先我話個小朋友叫我做爸爸都係講笑啫，唔通要佢哋叫我做哥哥咩，我淨係個零頭都大過佢哋啦。」
華仔即將推出其國語大碟《再說一次我愛你》，據知宣傳費用近四百萬，其中最為矚目的是花了百萬於尖沙嘴地鐵站貼上大量巨型海報，不少歌迷更去到地鐵站與華仔的海報合照。他說：「每一日有咁多人見到我，就可以提醒大家去買我隻碟。」
第一次扮奸角
此外，華仔和梁詠琪（GiGi）早前為港台廣播劇《太初》錄音，昨日兩人分別接受《娛樂滿天星》電話訪問，華仔今次在廣播劇中會聲演兩個角色，他說：「其實都有難度，因為我係要聲演𠵱家同未來嘅我，所以語氣上要有分別，而且今次重係我喺廣播劇中第一次做奸角㖭。」而GiGi就表示在廣播劇中可以同鍾景輝合作是一個難忘的經驗。
採訪：李珮洳
攝影：陳偉權
