徐小鳳近日在紅館舉行復出演唱會，昨日中國星表示小鳳姐明年會再在大銀幕出現，與張栢芝和劉青雲合作演出賀歲片。而她前晚舉行個唱時，就邀請了不少嘉賓上台獻唱，其中克勤為小鳳姐演出時，還被迫與盧淑儀在台上綵排結婚。
徐小鳳繼復出舞台，近日在紅館舉行演唱會後，稍後亦將接拍電影，昨日中國星公布小鳳姐已接拍一部由韋家輝執導的新戲《購物狂》，與張栢芝、劉青雲及陳小春合作，預計於明年賀歲檔上映，故事圍繞現代人購物消閒的瘋狂故事，栢芝在片中將飾演一名購物狂。
披上結婚頭紗
而前晚鍾鎮濤（阿B）與女友范姜、李克勤與女友盧淑儀、施明與兩位兒子、八姑娘何婉鴻及湘漪等前往紅館欣賞小鳳姐演唱會，小鳳姐唱到尾段、介紹阿B出場時說：「呢個人喺樂壇遇過好多風浪，我好敬佩佢嘅精神，而且佢生得好英俊。」阿B上台獻唱完後，小鳳姐又說：「又見到一個偶像，佢有好靚嘅聲，我佩服佢到五體投地，佢係順流逆流咗好多年嘅歌手。」
小鳳姐於是請克勤上台，二人閒聊一會後，小鳳姐忽然要請克勤女友盧淑儀上台，盧淑儀起初耍手擰頭，克勤亦說：「唔好搞呢啲嘢，快啲唱歌啦。」在三催四請下，盧淑儀不得不上台，她與小鳳姐握手謂：「幸會幸會。」克勤在旁沒好氣道：「有冇咁幸會呀？」
小鳳姐於是叫二人站在一起，然後又叫工作人員拿上結婚頭紗，幫盧淑儀披上，小鳳姐就拉着她說：「靚女，你過嚟，我同你講句嘢，你願意嗎？」盧淑儀不敢答話，克勤哭笑不得謂：「你唱歌啦，小鳳姐。」
男人要負責任
小鳳姐又對克勤說：「你又願意嗎？」克勤語無倫次說：「一路以嚟未結婚，都喺樂壇屹立咁多年，係秘訣。」小鳳姐即向他訓話：「千祈唔好辜負人哋嘅青春，對女人要有交代，作為負責任嘅男人，一定要有交代，完成呢個夢啦，我幫你哋綵排呀，預演結婚。」小鳳姐續說：「呢首歌一啲都唔淒涼，淒涼嗰個係我。」然後大唱《婚紗背後》。
小鳳姐又叫克勤拖着女友的手，克勤便說：「唔爭在，我哋繞場一周。」乘機送女友盧淑儀到場邊落台。小鳳姐唱完又補充：「願天下有情人終成眷屬，千祈唔好好似頭先咁唔湯唔水。」
克勤再唱一曲後，小鳳姐說：「我頭先係認真，唔好怪我。」克勤謂：「我知，好日子一定會請你嚟飲，多謝所有觀眾。」
採訪、攝影：蔡如玉
