六十一歲貧病交煎的根叔，近日獲房屋署編配公屋單位，他耗盡了僅有積蓄應付各項搬遷雜費，委實無力再購買一部雪櫃及洗衣機，盼善長伸出援手。
搬遷耗盡僅有積蓄
根叔早年與妻子離異，三名子女由前妻照顧，離婚後，他便入住房署轄下的中轉屋，一直等候安排上樓，苦等多時，近日才達成心願。記者日前往根叔位於牛頭角的新居探訪，他表示：「房署派呢間屋畀我，交通好方便，我好滿意，不過，為咗今次搬屋，我使咗幾千蚊，搞到好窮困，為咗慳錢，屋企天花板同牆身嘅油漆都係我同朋友夾手夾腳自己髹。」
根叔曾當的士司機，其後轉行任職保安員，一年多前，他不幸加入失業大軍，加上患有糖尿病及高血壓，身體欠佳，無法操勞，現靠領取綜援金過活。
是次搬遷令根叔經濟雪上加霜，無力再為新居添置電器用品。「自己邊有多餘錢，屋企嘅電視機同風扇都係朋友送，𠵱家天氣咁熱，我最急需要有部雪櫃『雪』起啲餸菜。」
「彎腰洗衫好辛苦」
此外，根叔亦盼望添置一部洗衣機，他歎道：「自己身體唔好，對腳啲骨又退化、成日痛，每次彎低身洗衫都好辛苦，所以希望有一部洗衣機幫輕吓，唔使咁操勞。」根叔的兩個心願，有待善長玉成。
捐款編號：C1766
暖流熱線
電話：29908688
傳真：23702192
電郵：[email protected]
網址： http://www.charity.atnext.com