星級名車：<br>陳宇琛現役揭背Mazda3$500油費走400km好慳家

星級名車：
陳宇琛現役揭背Mazda3$500油費走400km好慳家

差不多每晚10點打開電視機，都可以見到Sam（陳宇琛）喺《妙手仁心III》中扮演嘅外科實習醫生，形象斯文討好，現實亦一樣彬彬有禮，守時赴約。在分享個人揸車心得時，講飄移，講用人力ABS時，認真肉緊，但都是前塵往事，擁有10年車齡嘅Sam如今變得更成熟慳家，正如佢好滿意揸咗9個月嘅5門揭背Mazda3，每星期油錢只花$500，自然有更多閒錢為愛驅裝身啦！

記者：戴維浩
攝影：陳智良

Sam式獨家設備

■尾擋風玻璃貼了骷髏火燄頭，由朋友從東瀛運抵。

■一連串生日熊，全是Fans贈送，Sam都把它們放上軚盤高低調節按鈕上。

■車身無拉花，只有小型骷髏頭標誌，同樣於日本「取經」時買入。

■中控台除了音響、冷暖氣調節，小心留意，Sam把煙插換了合金拉花頭（紅圈處）。

四驅都玩飄移

Sam9歲移民加拿大，一夠16歲即考車牌，唔多唔少，車齡剛有10年。加拿大學生大都開車上學，Sam都一樣，日常代步車不是轎跑，而是高頭大馬的豐田HiluxSurf，別以為鋼條身材的Sam難以駕馭Pick-UpTruck，說起開四驅車，他會滔滔不絕，諸如「飄移」，Sam早就試過。
「將四驅改行兩驅，大油扭一扭踩brake，喺沙地上好易就做到甩尾。」
地大物博，Sam總會找到空地飄移，由荒地至雪山，都留下四驅車痕。喜歡下車之後，由車尾取下雪橇，繼續找尋速度快感。

我都係鍾意旅行車多啲！

人力ABS最可靠

16歲返港，Sam依舊有開車，不過，由日常代步，改為假日消閒，由於開爸爸的車，他總會小心翼翼。一天，大清早睡眼惺忪，Sam開着500SE，天雨路滑，上山下山，至一段斜路即發生事故。
「前面架小巴話停就停（上客），我揼盡迫力，架車最終都係直鏟入小巴！」
車頭盡毀，幸好人安然無恙，經一事長一智，Sam明白舊車防鎖死系統失靈時，人力ABS是最可靠應急方法。

日行80km僅$1.2/km

到現在，開車仍是Sam的頭等嗜好，他擁有過標致307轎跑，貪其有保時捷式Tiptronic波箱，操控樂趣一流、自然，但燃料費就變成頭號問題。
「你知啦！啱啱出嚟做嘢，油費都係一種負擔嚟㗎！」
於是捨棄至愛，決定買入慳油代步車，所以就揀咗𠵱家揸緊嘅Mazda3。
「佢喺同級入面都算幾efficiency，日日由屋返番公司，一個禮拜行400km，$500打爆油缸就搞掂！」
由屋企來回電視城，Sam日行約80km，1個星期5、6日如是，大概$1.2至$1.3一公里，計落，都算合理。

■每星期行超過400km，$500燃油費搞掂，Sam：「好合理吖?!」

+/-波有操控感

「最重要係架車有+/-波，我又有操控嘅感覺，做Kick-down都幾快呀！」
4前速+/-操作模式，正宗賽車操作方法，前減後加。
「架車入彎好到，落山急彎都無問題。我都試過Civic㗎，感覺都OK，不過入彎有啲離，有外拋嘅感覺。」
車身傾側情況顯著，不過DSC穩定安全操控系統及TCS循迹控制系統加入協調，過彎會相對順暢。

■賽車式+/-4前速波箱，配合S-VT1,498c.c.引擎，反應靈活。

4前速波箱做Kick-down都幾快。

去日本搵改裝配件

Sam對於操控方面有一定熱情，其實他亦喜愛Mazda3房車版，貪其有手波版本，不過最後還是選了5門揭背旅行車，因為外形更運動化。
「我好鍾意運動，同屋企人打Golf，尾廂兩個高爾夫球袋都放得落！」
擁有呢部5門揭背旅行車已近9個月，Sam仍相當滿意新車外貌。未來，他打算替愛驅外形重新包裝，還專程與友人前往日本取經，搜羅Autoexec產品，一個專改裝萬事得車系的品牌。
「車頭面罩會換，加埋包圍、頭唇同其他擾流啦！尾喉我已經訂咗一套，由中至尾出，應該可以增加一、兩匹馬力，到時做Kick-Down嘅效果又會有少少唔同。」