市場最近盛傳，環球置業部份分行會摺埋，該公司執行董事歐淼林話，佢哋間北角分行的而且確閂咗，原因係租約期滿，打算集中人手，專注中國部及投資移民部門，要重新分配資源。 佢哋同景鴻移民公司合作，打算十一黃金周檔期，去北京搞房地產展，重成立咗中國部及投資部，負責向移民客戶推介投資物業，地域廣泛，澳門又有、美加亦得。 佢相信，人民幣升值帶動內地客將資金轉投本港，所以先轉攻內地客市場。環球置業𠵱家喺香港重有六間分行，九龍區佔四間。