楊千嬅和吳彥祖在電影《千杯不醉》中，再次飾演情侶，二人在片中更有多場飲醉酒的戲份，千嬅日前說：「其實我覺得拍飲醉酒比拍苦情戲更加難，唔開心飲醉比開心飲醉辛苦。我記得有一場戲，導演攞咗杯類似二鍋頭嘅酒畀我，我覺得佢好似一比九十九嘅消毒藥水咁，飲完即刻暈一暈，其實都幾得意。我以前未試過拍醉酒戲，呢次就要拍好多場，重係要真飲，飲到highhigh哋，好彩我同吳彥祖○二年到𠵱家合作咗三套戲，大家已經有默契。」
喝酒起紅點
吳彥祖則透露對酒精敏感，飲少許已令臉部生紅點，他說：「本來我要化醉酒妝，但我飲少少已經面紅，所以每次拍飲酒戲我都會飲少少，咁就唔使化妝。」