太古地產係好熱衷環保嘅英資公司，睇佢哋嘅網頁就有唔少呢方面嘅資料。 上個月太古地產聯同太古可口可樂、太古昇達廢料處理同香港家庭福利會，舉辦一連串活動，向中學生介紹點樣可以共同努力減少製造廢物；透過實地考察，了解點樣以可持續發展嘅概念推行環保。 以又一城（圖）嘅食肆為例，每日製造三噸有機廢物，約相等於一隻大象嘅重量，而太古地產就引入Gomixer有機垃圾消滅裝置，將有機廢物轉化成水份，從而幫助減輕堆填區嘅負擔。太古地產係全港第一個發展商引入呢套裝置。