唔少鐵路上蓋項目，下半年招收意向書，但推得出嚟賣嘅全新樓盤，睇嚟就係得將軍澳調景嶺站上蓋嘅都會駅。 個盤雖然重未有售樓紙，長實已展開宣傳攻勢，既然樓盤打正旗號賣地鐵交通方便概念，自然打地鐵沿線車站主意。 長實高級經理郭子威話，公司用咗二千萬，喺十個地鐵站張貼都會駅海報，為期兩個月，人流較多嘅地鐵站統統都有份，例如中環、金鐘、旺角、銅鑼灣及鰂魚涌等。 物業現址基座同埋東隧出入口都有廣告，實行大包圍，廣招客源。
