人民幣突然升值，幅度即使只得兩巴仙，但大家都講到好似對各行業非常有幫助咁款，連澳門情況都係一樣。 中原（澳門）張麗華表示，人民幣升值，對澳門樓市肯定有正面幫助，近期投資者睇樓同問盤，數量大增。 佢話，因為澳門樓價較為貼近內地，樓宇素質又不俗，生活指數適中，相信部份撤離內地市場嘅熱錢，會流入澳門樓市，而且自從人民幣升值以嚟，好明顯多咗買家落票買樓，尤其係一啲即將開賣嘅樓花單位。張麗華補充，咁未來樓價梗係會上升，幅度重唔細㖭。