樓契見得多，地契見得較少，百幾年前嘅地契就更罕見，如果大家想睇吓，可以去浸會大學圖書館，不過要電話預約。
話說長洲浸信會最近將一份有逾百年歷史的清朝地契，送畀浸大保存。份地契訂立於光緒五年（一八八○年）。長洲浸信會本身創立於十八世紀，早在一八四三年，美國傳教士WilliamDeam已在長洲傳道，一八五一年更蓋建教堂，辦女校，呢份地契，就係涉及教堂嘅土地。契上有紅印寫住「維則堂黃」；黃維則堂早前有官司，大家應該重記得。呢份地契重寫明用地條款，例如「造其牆不得過高，誠恐有礙本洲風水」，但同傳教士講教堂風水，係咪得個講字呢？
講開浸大，好多人都記得佢哋位謝志偉校長，原來佢幾年前退休後，就返去澳門大學出任校董會主席。最近佢重出任一個有關居民生活素質嘅調查中心主任，專為澳門政府展開一連串研究㖭，真係退而不休。
傳真︰2623-9278
電郵︰[email protected]