星級名車：<br>成龍改裝Evo.VIIIRS全身碳纖飛咁快

星級名車：
成龍改裝Evo.VIIIRS全身碳纖飛咁快

成龍一直跟日本三菱車廠關係密切，雖然早年雙方經已終止合作，但其後「大哥」不少國際級巨片，仍可見到三菱汽車。現時三菱廠方仍有贊助他日常的代步用車，正如這部被車迷暱稱「八代半」的輕量版LancerEvo.VIIIRS跑車，成龍一早經已透過Ralliart取得新車代步，並進行改裝，由車身到車廂都用上大量碳纖維，車重被偷輕，令280匹引擎可以盡情爆發出來！

記者、攝影：陳偉林

MitsubishiLancerEvo.VIIIRS
「八代半」個樣夠惡

歷代LancerEvolution車系，皆有自家個性的全車大包圍配襯，但這部落到「大哥」手中的「八代半」跑車，為要凸顯出佢個人品味，除了引擎艙及尾艙蓋外，車身兩旁裙腳、兩截式尾定翼同門邊電鏡都改換上碳纖維製品，個樣夠晒惡，更添有一份High-tech味道。

■成龍一直跟日本三菱車廠關係密切，不少國際級巨片，亦有與之合作。

越野Turbo偈扭力不絕

除咗個惡樣，原車重裝有一台喺國際越野車賽赫赫有名的4G63型號，2.0公升直4Turbo引擎，280匹馬力輸出強橫之外，呢部屬RS輕量的特別版，更配合上5前速手波操作，起跑加速確實令人有難於駕馭的感覺，尚幸本身另備有電子恒式四驅，筆者來回荃灣及大帽山一段時，發覺在攀爬迂迴曲折山道的時候，「大哥」呢部座騎的引擎扭力輸出，好似源源不絕似的，當中的有三種模式選擇的ACD四驅裝置，喺On-road時候一樣出色。

■打開引擊艙蓋，發現換裝有不少碳纖維組件，當中最搶眼就係刻有「龍」字的入風口。

前排原裝Recaro跑車桶

筆者覺得座艙鋪排亦教人心動，除車廂四周以跑車化碳纖維修飾外，前排更以原裝Recaro跑車桶椅組合，掟彎時更感貼服，置身其中可以感受到「大哥」揸車時的優越感。講到裝備，既有齊高級音響及恒溫冷氣，另追加有Ralliart製的油溫、油壓同Turbo壓力表顯示，可見他對座駕高要求的一面。

■前排以Recaro跑車桶椅配搭，就算遇上強勁的橫向G-Force仍感覺貼服。

「龍」字座艙激跑Look

■駕駛艙同樣以碳纖維作修飾，地氈印有「龍」字標誌。

大大個「龍」字標明一套5前速手波，轉檔反應充滿爆炸力。

碳纖維面板鑲嵌的中控台，新增了油溫、油壓同Turbo壓力表。

Momo製的三幅式跑車軚環，握手感強。

引擎轉速紅區指示出高達10000rpm的數值。

碳纖維表板旁裝有門邊電鏡及三模式ACD四驅開關鍵。

車身誇得嚟實用

■氣霸組合凸顯出大型製冷用Intercooler的誇耀性。

■兩旁改換上碳纖維製的粗大裙腳，減輕行車時的亂流。

■全塊偷輕以碳纖維製的引擎艙蓋，兩旁加有不少散熱口。

■以碳纖維模做的水滴形門邊電鏡。

■泵把兩旁裝有大型導風氣口。

■17吋巨輪旁邊沙板位旁增設有透氣散熱柵格。

MitsubishiLancerEvo.VIIIRSSpecifications

引擎：1997cc直4DOHCTurbo
馬力：280ps/6500rpm
扭力：39.0kgm/3500rpm
傳動：5前速手波，恒式四驅
懸掛：（前）麥花臣支柱（後）多連桿
制動：（前）透氣碟（後）透氣碟
輪胎：235/45ZR17YokohamaAdvanA046
尺碼：4490×1770×1450mm
軸距：2625mm
車重：1315kg

除尾艙蓋外，兩截式尾定翼同樣以碳纖維重新構造。
裝有導風設計的尾泵把右旁，換裝上大口徑尾喉。