記得去年和家人參加了康泰十三天歐洲團，當時導遊正是阿Kam。起初我有點擔心，十幾日由一個女仔帶，有沒有問題？出乎意料之外，帶了十一年歐洲團兼曾獲最佳領隊的阿Kam，不止醒目細心有責任感，還懂得搞氣氛。在瑞士往法國的一段漫長車程中，阿Kam放棄冗長的歷史介紹，改用遊戲來消磨時間，單是一個有口難言已令全車團友捧腹大笑。最重要是她還真的準備了禮物，她的心思叫大家頗感動。
「其實都要視乎團友的年齡性格而作出適當嘅策略㗎！例如團友本身玩得，咪可以玩啲動作誇張嘅遊戲。如果文靜嘅，就單純自我介紹。我重記得有一次因為同團有單身男女，經過我嘅遊戲，最後撮合咗一對團友，後尾佢哋結婚都有請我飲……」想不到領隊會變成了紅娘，難怪阿Kam說這份工作不止富挑戰性有滿足感，還不時有驚喜呢！
記者：李莉
阿Kam醒醒你：早報有着數，遲報未必無
旅行社都有早報名優惠，不過香港人可能突然間興起先走去臨時報團，原來遲報亦不一定沒有優惠，碰上成了團又未滿額的，有時亦會減價促銷。咦？咁咪對早報名的人不公平囉？不用擔心！因為部份旅行社有價格承諾，保證當團費下調時，可以退回差額㗎！
鳴謝：康泰旅行社
阿Kam檔案
現職：康泰旅行社導遊
帶團年資：20年
帶咩團：主力歐洲團