上個月十五號係港交所股票交易大堂嘅最後交易日，呢個用咗近二十年嘅場，將首次全面裝修。當日收市後，大堂聚集咗好多依依不捨嘅經紀拍照留念。交易大堂係香港金融市場嘅獨特標誌，所以港交所特登為今次封遷製作咗「流金歲月」DVD（圖）畀大家收藏，收錄過去二十年大堂見證過嘅股市變遷。
除咗呢隻DVD，港交所早前發放一批關於交易大堂嘅資料圖片，其中幾張見到前交易所主席李福兆，蘭西覺得今次港交所嘅處事手法好君子，肯尊重歷史，冇因人廢相，故意唔出李福兆嘅資料。
喺大堂裝修嘅日子，出市經紀暫時回歸，但出年年初大堂會以嶄新面貌出現，繼續成為香港金融市場嘅象徵，到時大家又可以聚首一堂。