徐子淇前晚在蘭桂坊出席活動時，遇上自稱是該晚活動總廚的外籍男子熱情擁吻，後來被發現是「白撞」，醉漢即被驅趕離開。子淇無奈笑言自己「蝕晒底」，並透露自己六歲時已曾被「雪糕佬」拐走。
徐子淇、名模陳嘉容、王敏德馬詩慧夫婦等前晚在蘭桂坊出席由now寬頻舉辦的活動，並請了由加拿大來港的星級名廚Rubino兄弟即場烹調四道菜式給眾嘉賓享用。徐子淇在大會布景板前拍照時，一名手持啤酒樽、滿身酒氣的外籍男子，上前與她打招呼，並向徐子淇自稱是Rubino兄弟之一，子淇不以為意，大方與他擁抱，該男子更「狼死」地再進一步親吻她，後來工作人員發現該男子原來「白撞」，即禮貌地請他離開。
曾被雪糕佬拐
子淇無端被攬錫，她事後無奈地說：「我都係禮貌上同佢影相擁抱，見佢都好自然，太過狼我就會推開佢啦，諗番起佢行埋嚟時已經一身酒氣，今次真係蝕晒底㖭！不過我份人好懵，六歲已經俾個『雪糕佬』拐走過，嗰時媽咪帶我去公園玩，媽咪行開咗，個『雪糕佬』就話帶我去搵媽咪，唉，我真係由六歲俾人呃到二十二歲。」
此外，廚藝不俗的名模陳嘉容自言最愛喝滋補及瘦身的湯水，如花膠煲雞及冬瓜薏仁煲瘦肉等。問陳嘉容會否體貼到送湯至男友Ricky的工作地點？她說：「又未至於咁，咁樣同印傭、菲傭有乜分別？」
採訪：JessicaNgan 攝影：MatthewLam
