早前劉德華拍攝新歌《狠心的一課》MV時連番撻在地上，弄致額角又紅又腫，需要用冰敷額。而友情客串的楊采妮和華仔拍漫天飛雪場面時，吸入人造雪，十分難受。
劉德華的國語碟《再說一次我愛你》將於本周四推出，《再》曲在網上和電台播放後反應不俗，最近華仔開始催谷第二首歌《狠心的一課》，早前拍攝MV時，他親身上陣拍攝摔倒濕滑地上的鏡頭，摔了近十多次才滿足導演要求。
因為華仔很多時頭先着地，最後更撞到額角一片紅腫。工作人員見狀，即為他敷冰毛巾消腫，華仔說：「一直用力向地面撻落去，初時我都驚撻傷，所以好小心，但拍出嚟效果唔好，最後我只好狠下心腸用力撻落去，真係好痛！撞到地下都呯呯聲響，連導演都怕咗，話其實可以唔使拍，但我話拍咗咁耐，唔可以咁就放棄，我冇諗過會撻得咁腫，但我都忍住痛完成埋個鏡頭。」
吸假雪辛苦
華仔又表示拍下大雪的鏡頭更難忍，假雪機每次噴出人造假雪，他就吸入味道怪怪的化學物質，張口唱歌時吃了不少假雪，鼻子更吸滿假雪，以致呼吸困難，要大聲嗌cut，清理鼻子和嘴巴。
此外，楊采妮友情客串拍MV，她跟華仔一樣要捱吸假雪之苦，她說：「企喺旁邊睇華仔拍漫天飛雪覺得好靚，完全唔知人造雪嘅味道咁難聞，令人難以呼吸，華仔重識向我笑，真係服咗佢。」
