喺泰國家族生意多到數唔晒嘅最年輕行會成員陳智思（圖）Bernard，不嬲喺泰國同杜拜都有間私家醫院，而且生意重好好；尤其泰國嗰間有口皆碑，一傳十、十傳百之下，就引來唔少名人去試試，據知李鳳英都有去過做身體檢查，事後大讚設施服務頂呱呱。
Bernard同八方講，唐唐有次去泰國出席APEC會議時，都特登過去間醫院睇一睇，咁就證明間醫院有幾咁勁啦。
既然做得咁成功，Bernard都諗緊點樣可以發大嚟做，𠵱家考慮嘅地點，就係偉大祖國嘅首都北京喇。咁又係，北京發展前景咁好，而且重愈嚟愈追求生活質素，私家醫院都真係撈得過。
近期有人提到Bernard可能會喺復會後，競逐財務委員會主席，不過Bernard就話冇乜可能，重大讚現任主席卿姐做得好好，尤其對民主派同親政府陣營都一視同仁，話卿姐主持會議嘅時候，簡直係立法會最公平嘅時刻。
傳真︰2623-9278
電郵︰[email protected]