「𠵱家見到個妹愈來愈好，真係安樂啲、放心啲！」這句看似普通的感觸說話，阿賢足足等了十年才得以說出來。當護士的阿賢照顧過無數病人，但當她十年前知道自己的妹妹患了精神分裂症時，卻頓時手足無措，照顧患病妹妹那前所未有的壓力，大得她幾乎熬不過來。
阿賢回想當年知道比她小十歲的妹妹患了精神分裂症時，坦言感到自責，「點解我冇留意到？係咪我冇好好地照顧佢先至會搞成咁？」妹妹的病情嚴重得要長期留院，阿賢的心痛得像自己患病一樣，「見到佢係咁流口水，成個人梗晒，眼定定又冇反應，我好心翳，個心不斷諗到底佢會唔會好番，係咪一世都係咁！」
日子一天一天的過去，阿賢妹妹所遇到的不幸事情卻愈來愈多，病情未見好轉。患病妹妹受到頑疾困擾的同時，阿賢感覺自己也在被折騰，她憶述其妹一次站在窗邊企圖跳樓自殺，有一次更無端衝出馬路，阿賢被嚇至魂不附體，叫她無法不感到身心俱疲，沮喪無助。「我唔知道點樣做先可以幫到佢，我日日都提心吊膽，壓力真係好大。我自己都要搵人同我傾吓，開解吓我。」
幸而，撥開雲霧後總可見到青天，阿賢偶然地加入了精神病人家屬互助組織「家連家精神健康倡導協會」，參加了學習與精神病人溝通、處理危機及紓緩壓力的課程，「𠵱家知多咗，先識得唔再放咁多壓力喺自己度，識得企喺佢嘅角度去睇嘢，訓練佢融入社會。」
阿賢現在會不時帶同妹妹去當義工，讓她有更多機會與人相處，最近更與妹妹到台灣遊玩，希望妹妹的生活逐步回復正常。眼見妹妹的病情漸趨穩定，阿賢像頓時放下了沉重的心頭大石一般，「無論點都好，我都會一路照顧佢，唔通睇住佢冇人理咩。希望佢真係可以康復！」
記者：陳倩雯
逢周一刊出