商場經常搞噱頭吸引人流，長實同置富信託旗下商場，今期搞「夏日勁舞嘉年華」，請嚟外籍舞蹈員，喺炎炎夏日，表演熱辣辣嘅肚皮舞及森巴舞。沙田第一城及天水圍嘉湖銀座，噚日開騷。 鍾意肚皮舞嘅，嚟緊禮拜日，可以去荔枝角盈暉家居城，或紅磡漁人碼頭商場；八月十四號去馬鞍山廣場。喜歡森巴舞嘅，十四號漁人碼頭商場有得睇，但只此一場。