澳門開放賭權後，樓市炒風熾熱，最近先至稍為靜番啲，投資者又搵到另一樣嘢可以炒作。 利嘉閣（澳門）高級營業經理施清淵話，澳門最近就有一個位於水坑尾嘅銀主車位，喺法院拍賣，以六十萬嘅高價成交。 施清淵話，以往澳門嘅車位，多數都係以成本價轉售，不過，自從政府開放賭權，多咗啲外資入市掃貨，令到個別有潛力嘅車位，價錢愈搶愈高。