感覺上黑人充滿爆炸力，跑得特別快，於跑道上有「黑豹」之稱。不過如果話你知因為佢哋由細到大都係用「赤足跑步」的訓練方法，你又會唔會考慮因為咁冒着傷腳的危險而唔着鞋跑步先？其實絕對無需要，因為Nike全新NikeFree5.0跑鞋模仿人類赤足的腳形，波鞋設計緊貼雙腳，連鞋底都扭得，令鞋同腳的配合更天衣無縫，以後鞋腳合一特別Free！
記者：胡卓琳 攝影：陳偉強
鞋腳合一恍如無物
今次NikeFree5.0跑鞋的廣告口號係「重生」，係就係誇張咗啲，不過其意思係人類可以靠這對跑鞋重新喚醒腳部，令它再有力量，同時強化全身，運動時候亦可更有活力。NikeFree5.0跑鞋設計的質料特別柔軟，令波鞋更緊貼雙腳，連鞋底都可以能屈能伸兼扭動。而且買鞋附送兩個鞋墊，分別為4.5及5.0，是以着的時候更容易適應，鞋腳合一，感覺如無着鞋一樣走動自如。
鞋墊打孖上
今次NikeFree推出的Version5.0改良版，隨鞋附送兩個分別為4.5及5.0的鞋墊。先假設0-10係鞋的避震程度：0代表無着鞋，10代表着咗鞋；而呢對NikeFree5.0處於正中間位，保護適中。至於兩個鞋墊的分別，就在於鞋墊的厚度，4.5會較5.0薄，建議購買初期先用4.5鞋墊適應一下波鞋的柔軟度，習慣之後就可以換上5.0鞋墊跑步，咁就更能發揮NikeFree5.0的全面功效。
訓練着Trainer
除咗NikeFree5.0之外，全新同步推出有NikeFreeTrainer。這是專為訓練而設的波鞋，原因係運動員於訓練期間，運動量會大幅度增加，因此NikeFreeTrainer5.0波鞋前腳魔術貼綁帶有助固定運動鞋，自由調校鬆緊，令運動員更能適應非常龐大的運動量。
一切從會郁的鞋楦開始
呢對以活動自如的鞋身作為SellingPoint的NikeFree，其與別不同的地方係由最根本的架構開始，因為NikeFree連造鞋最基本的鞋楦都可以郁、移動、彎曲甚至扭動，比起傳統一嚿模仿腳部形狀的硬塑膠確實有好大分別。因為NikeFree的設計智囊認為，鞋楦就好似人的雙腳一樣動靜自如，難怪能夠造出NikeFree這樣柔軟的波鞋。
銷售點：NikeShop（28955668）
銅鑼灣崇光百貨公司4樓402號舖
劉翔瞓身力谷
為咗今次NikeFree5.0Launch，Nike搵咗幾個世界級運動員拍咗輯廣告，當中包括為人熟識的劉翔及亨利。波鞋以「重生」為題，絕對充滿份量兼具睇頭。
網址：nikefree.com.hk
