民建聯雖然同煲呔唔多啱嘴形，但係發展就愈嚟愈好，最近會員人數更突破三千大關，睇怕再過多一排，四千會員都冇走雞。有中央出錢又出力撐住，又有基層群眾做靠山，煲呔唔睇佢面色做人都唔得。
不過，會員多對民建聯都帶嚟煩惱，事關會員愈多，用嚟開會嘅地方就要愈大。有民建聯領導核心透露，佢哋開始諗緊搬竇問題，事關炮台山聯合出版大廈現有會址，雖然都有成三千呎，但有朝一日都係會唔夠用，係時候諗吓究竟要搬，抑或另外租多一層就夠，希望年底時會有答案喎。
所以話，呢個世界唔恨得咁多，民主派就周圍叫人入會冇人騷，而民建聯就排住隊登記，你話係咪恨死隔籬？咁有條大水喉射住，梗係零舍唔同，白鴿黨佢哋只有大喊三聲咯。
傳真︰2623-9278
電郵︰[email protected]