咬蘋果：全城熱搶<br>佐記×迪士尼第一波單日狂賣800件咬蘋果：全城熱搶
佐記×迪士尼第一波單日狂賣800件
如果你今時今日重話佐記係賓賓先會去買的話，真係要同你講句：「Sorry，你Out晒！」佐記同賓賓已經「脫離關係」咗好耐，最近更搭上人氣爆燈的迪士尼，交叉合作出卡通人物Tee。落場一星期，日賣數百不特止，部份款式更賣到斷市。老中青大人細路齊齊搶，你話勁唔勁？聞說嚟緊數月重有大把新款輪住上，喺呢股熱潮未玩殘之前，即睇今期熱搶！
記者：黃藹瑩
攝影：黃子偉、陳偉強
■阿權：「白色米奇Tee感覺最Classic，着出嚟都唔似佐記啦！」
■Dorothy：「我一向都好鍾意迪士尼，咁多個Characters就最鍾意Mickey，所以一定買呢件。」
■林小朋友：「我買咗粉紅色米奇Tee，不過我最鍾意個膠袋。」
■忻忻：「一件衫有兩個公仔最好，所以我買呢件。」
■Pare：「我唔鍾意周街都係Mickey同Minnie，所以我揀咗件特別啲嘅斑比，佢都好Hit。」
■Punch：「我好鍾意《怪獸公司》呢套卡通片，單眼仔最型。」
5家人齊獻身
今次佐丹奴威到盡，佢哋同迪士尼簽咗約話最少合作半年，剛喺上星期交叉推出合作Tee。Tee上的迪士尼人物來自5個DisneyFamily，除咗Mickey&Minnie之外，重包括：經典、電影、WinniethePooh同Princesses系列。呢隻港產正牌合作Tee，剛一落場，旋即掀起老中青搶購風，據尖沙嘴、銅鑼灣及旺角三間佐記的店長透露，逢星期六、日就最多人買Tee，齋是一間舖的迪士尼系列Tee就賣超過800件。
■令人瘋狂的豈止迪士尼Tee？呢個靚爆膠袋有大中細碼，店員一致話客人個個都問佢哋攞多個！
日賣200件
■熱賣王：白色米奇Tee$80
7.30新到
■新鮮王：粉紅米奇Tee$80
■熱賣王后：美妮$80
■斷貨王：史力仔$80
八月再推19款
熱賣Tee之中，主角始終都係主角，米奇老鼠始終係最受歡迎的迪士尼卡通人物，佢個Print的Tee永遠最好賣，絕對唔講得笑。不過就算部份款式被搶斷都唔使驚住，因為據佐丹奴官方透露，未來半年佐記×迪士尼Tee將會長賣長有，今個月推出19款，下個月將會有另外19款，而且卡通人物將會愈出愈多，造型亦會愈搞愈多。舉個例：上個月（七月）冇嘅高飛狗，喺嚟緊今個月（八月）就可能隨時上市㗎！
■買兩件Tee即送扣針仔一個，手工好仔細。
潮人專享特別版！
我哋普通人，就冇呢6位人士咁幸運：胡杏兒、陳慧珊、陳嘉容、吳嘉龍、林海峰同雷頌德就擁有一件限量製作的佐記×迪士尼Tee，黑色金Print，好型吖！
■林海峰
■胡杏兒
■陳嘉容
■吳嘉龍
佐記店員推介！
尖沙嘴佐記（查詢：29261681）
鬼妹SalesFleur
佐記外籍女Sales，原來係由澳洲佐記來香港做交流的Fleur，佢一手拎起件WinniethePooh的Tee就話：「Childrenlikemost!」
Queenie
「大眼仔有好多男仔買，唔單止細路，重有大人呀！」
Angel
天使咁甜美的Angel揀美妮Tee：「呢件最多女仔買，我自己都好鍾意！」
旺角佐記（查詢：29286016）
佐記之花阿Mo
旺角「佐記之花」阿Mo二話不說就揀咗件Chip&DalTee，「我自己最鍾意呢件，個粉紅色粉得好靚，最受女仔歡迎㗎！」
Ryan
「我就撐硬跳跳虎喇，因為真係好多人嚟買㗎！」
阿君
「一句講晒，我哋旺角呢間舖，就係呢件白色米奇最好賣！」
銅鑼灣佐記 （查詢：29237111）
Lawrence
估唔到Lawrence都係揀跳跳虎，「男仔唔會買太過女仔的Print，呢個最好！」
Emily
「黃色係WinniethePooh的顏色，呢件有好多細路仔同女仔買。」
Joe
「男仔着大眼仔最醒目，唔會太誇、重幾型，大個啲的男仔多數買佢。」
唔使搶，I.T賣咗十世啦！（查詢：28816102）
■講真，望落同佐記嗰件好似冇咩分別，唯一最大分別就係價錢。
$250(I.Tit'sMickey)
■喂，各位如果想要一件類似的Tee，呢件就有８成相似。
$295(I.Tit'sMickey)
■呢件寫明「和路迪士尼」喎，重釘埋水晶，即刻Sharp晒。
$590(I.T)
跟住佢哋着！
■近期極紅的孫燕姿都係米奇的Fan屎，你又點可以唔跟住撐呢？
■Twins的阿嬌都撐米奇，買件平價佐記跟風啦！
■盧巧音係潮人唔使再講啦，連佢都着米奇就知迪士尼熱爆，一件傍身肯定唔少得。