當其他孩子正在享受多采多姿的暑假生活，七歲的阿妮卻獨個兒呆在家中發悶。阿妮家境清貧，她不但沒有機會參加暑期活動，家中甚至連電視機也欠奉，她對記者表示︰「我好想屋企有一部電視機，咁我就唔使去隔籬屋婆婆度睇。」
到鄰舍看電視
即將升讀小一的阿妮，三年前偕母由內地來港與父親團聚，其父母近年感情有變，兩人已於去年底正式離婚，阿妮從此跟隨母親展開單親生活。
「我喺香港冇人冇物，一個女人帶住個女，有時都覺得自己幾淒涼。」阿妮母親劉女士歎道。
劉女士母女現靠綜援金生活，她一面難過地說：「未離婚之前，阿妮爸爸成日無工開，屋企環境都好差，所以我哋咁多年都冇電視機，𠵱家攞綜援，更加冇得諗，我兩母女唔食飯都買唔起一部電視啦！」
阿妮每天下午放學後，惟有到鄰舍家中觀看卡通片，小女孩看得十分高興，劉女士卻感到萬分痛心。
「一來我覺得打搞隔籬鄰舍唔好意思，二來我覺得好痛心，咁小嘅事情都滿足唔到個女，要佢生活得咁可憐。」三十五歲的劉女士淚眼汪汪說。
致電本報求助
劉女士母女早前主動致電本報求助，期待善長伸出援手，慷慨捐贈一部電視機給她們。 捐款編號︰C1764
暖流熱線
電話：29908688
傳真：23702192
電郵：[email protected]
網址： http://www.charity.atnext.com