律政司司長梁愛詩噚日出席「自由盃」辯論比賽，比賽由自由黨同思辯居合辦，由香港嘅中大，對加拿大安省中文辯論聯盟，詩姐係頒獎嘉賓，佢好畀面班學生哥，坐足兩個鐘，聽晒成場比賽，到佢公布現場觀眾投票結果時，詩姐宣布，反方安省中文辯論聯盟勝出，現場觀眾鼓掌，點知司儀好尷尬咁補充，其實勝方係中大至真。
詩姐當然好唔好意思，將份紙翻來覆去咁睇多幾次，想解釋自己點解搞錯，最後詩姐兜番話，咁都好，大家開心，因為兩隊都贏咗一次。話時話，噚日嘅辯題係「司法不能獨立於政治」，詩姐可能感受太深，所以先心不在焉，兩隊辯員由美國最高法院法官嘅委任，激辯到中國判法輪功為非法組織，詩姐唔知係咪諗緊香港嘅23條立法一役？
爆料熱線：29290000、27860099
報料傳真：26239278
報料電郵：[email protected]