楊千嬅、李克勤、關智斌等前晚在將軍澳電視廣播城錄影《香港各界商會慶祝基本法頒布十五周年晚會》，千嬅以黑衣示人，對於早前被拍得在祖父喪禮上大笑，及至前男友鄭中基出席喪禮時，她又喪笑，千嬅前晚解釋說：「當時都唔知笑乜，呢個係穩定情緒嘅方法，嗰日好多同事嚟幫手，佢哋見我成日冇笑過，愁眉苦臉咁，咪講啲說話等我放開啲輕鬆啲囉。」
千嬅謂現時心情已平復，她表示被雜誌刊登其大笑樣子後，父親亦有微言，至於被指着Prada衫當孝服，千嬅說：「我只不過係攞件喺屋企着開嘅衫，呢個係潮州人習俗。」
等緊第二春
此外，千嬅昨日到西貢出席商台活動，對於有周刊報道指鄭中基酒後吐真言，表示一生中的最愛包括千嬅，但就沒有緋聞女友蔡卓妍（阿Sa）份，問到鄭中基是否她的最愛時，千嬅就說：「總之拍拖時係鍾意先一齊，但係已經畫咗句號，𠵱家等緊第二個最愛，不過呢排我好忙。」
採訪：楊潔雯、駱華齡 攝影：陳慧安